Mtayarishaji nguli wa Muziki na Mtunzi wa nyimbo, Quincy Jones, amefariki dunia usiku wa kuamkia Novemba 4, 2024 nyumbani kwake Bel Air, Los Angeles akiwa na umri wa miaka 91.
Familia ya Quincy ambaye ni mshindi wa Tuzo 28 za Grammy, imesema mkongwe huyo aliyezaliwa Machi 14, 1933 amefariki akiwa amezungukwa na familia yake wakiwemo watoto wake.
Miongoni mwa wasanii waliofanya kazi na Quincy ni pamoja na marehemu Michael Jackson, Snoop Dogg, LL Cool J, Sinatra, Tony Bennett, Lesley Gore, Chaka Khan, Queen Latifah, Stevie Wonder, Tupac, Kanye West n.k.
