Rapa #ToryLanez, ambaye jina lake halisi ni #DaystarPeterson, ameripotiwa kuhamishwa kwenda gereza lingine baada ya tukio la kuchomwa na kisu mara 14. Tukio hilo lilitokea katika Gereza la California Correctional Institution huko Tehachapi, ambako alikuwa anatumikia kifungo cha miaka 10 kwa kosa la kumpiga risasi #MeganTheeStallion mwaka 2020.
Vyanzo vinaeleza kuwa shambulio hilo lilihusiana na magenge ya uhalifu, hasa kundi la Bloods, ingawa majeraha aliyoyapata #Lanez hayakuwa ya kutishia maisha. Baada ya tukio hilo, alihamishiwa katika Gereza la North Kern State Prison lililopo Delano, California, kwa sababu za usalama wake.
Hata hivyo, Idara ya Magereza na Marekebisho ya Tabia ya Jimbo la California haijathibitisha rasmi maelezo ya tukio hilo au uhamisho huo, ikitaja sababu za faragha na usalama.
