Tume ya Uchaguzi nchini Uganda (EC) imemtangaza rasmi Yoweri Kaguta Museveni kuwa Rais mteule wa Jamhuri ya Uganda kufuatia uchaguzi mkuu uliofanyika Alhamisi iliyopita.
Tangazo hilo la kihistoria limetolewa leo na Mwenyekiti wa Tume hiyo, likihitimisha mchakato wa kuhesabu kura uliokuwa ukisubiriwa kwa shauku kubwa ndani na nje ya mipaka ya nchi hiyo. Kwa ushindi huu, Museveni, ambaye amekuwa madarakani tangu mwaka 1986, anajiandaa kuiongoza Uganda kwa muhula mwingine, jambo linalomfanya kuwa mmoja wa viongozi waliokaa madarakani kwa muda mrefu zaidi barani Afrika.
Museveni Alipata 72% ya kura, tume ya uchaguzi ilitangaza, dhidi ya 25% ya mpinzani wake wa karibu Bobi Wine, ambaye amelaani kile alichokitaja kama "matokeo bandia" na "ujazaji wa kura". Hajatoa ushahidi wowote na mamlaka haijajibu madai yake.
Wine ametoa wito kwa Waganda kufanya maandamano yasiyo na vurugu.
Museveni, 81, aliingia madarakani kwa mara ya kwanza kama kiongozi wa waasi mwaka 1986 lakini tangu wakati huo ameshinda chaguzi saba.
