Polisi katika jimbo la Akwa Ibom wamemkamata msichana anayeitwa Christiana Ibanga na mpenzi wake, Inyene Akpan, kwa madai ya biashara haramu ya mtoto wao na kuuza mtoto huyo kwa N450,000 (Tsh.700K+)
Wakitoa taarifa kuhusu tukio hilo kwa waandishi wa habari katika makao makuu ya jeshi la polisi, Ikot-Akpanabia, Uyo, mji mkuu wa jimbo, Jumatano, Januari 29, msemaji wa jeshi la polisi, DSP Timfon John, alisema walikamatwa kufuatia taarifa kutoka kwa mwanamke (jina limefichwa), ambaye alidai kuwa Ibanga alimvuta binti yake mwenye umri wa miaka sita na kumpeleka mahali pasipojulikana.
Wakati walipohojiwa, washukiwa walikiri kuuza mtoto wao mnamo Mei 2024 kwa N450,000 kwa msaada wa mtu mmoja aitwaye Saviour Aniedi.
Ibanga alikiri pia kuhusika katika kupanga njama na Aniedi na mkewe kuiba mtoto wa mlalamikaji, ambaye baadaye aliuza huko Aba, jimbo la Abia, kwa mnunuzi asiyejulikana.
Jeshi la Polisi la Jimbo la Akwa Ibom limeanzisha msako huko Aba ili kumtafuta mnunuzi na kumuokoa mtoto aliyeibiwa.
