Mwanamke aliyebadili jinsia ambaye alimuua kwa kumchoma kisu mfanyakazi wa posta #Harlem mapema mwaka huu amehukumiwa kifungo cha miaka 15 gerezani.
#JaiaCruz, mwenye umri wa miaka 24, aliyemuua kwa ukatili mfanyakazi wa USPS Ray Hodges baada ya mzozo mwezi Januari, alipatiwa hukumu hiyo baada ya kufikia makubaliano ya kukiri kosa, jambo lililowakasirisha jamaa wa Hodges katika kikao cha mahakama ya Manhattan waliotaka hukumu kali zaidi.
Mwezi Aprili, #Cruz alikiri kosa la kuua bila ya kukusudia (first-degree manslaughter) katika tukio la Januari 2 ambapo alimuua #Hodges, baba wa watoto wawili mwenye umri wa miaka 36, katika Joe’s Deli Grocery.
Katika kusomewa hukumu siku ya Alhamisi, wakili wa #Cruz alisema kuwa #Hodges alitoa “kejeli” kuhusu “utambulisho wake wa kijinsia” wakati wa ugomvi ndani ya duka hilo.
Wakili huyo pia alitaja dawa ambazo Cruz, ambaye ana historia ya matumizi ya visu, amekuwa akitumia kudumisha mabadiliko yake ya kijinsia, na akaomba apelekwe katika gereza la wanawake.
Baada ya hukumu, jamaa wa Hodges waliokuwa wamejawa na hasira walianza kupiga kelele wakisema “Ni mvulana!” na “Mvulana wa laana!” ndani ya chumba cha mahakama, huku wengine wakiwa wamevaa fulana zenye maandishi “Haki kwa Ray.”
Jaji Carro aliita tukio hilo “uuaji wa kipumbavu kwa sababu ya kutoelewana kwa jambo dogo.”
Lakini aliongeza kuwa “kuthibitisha kuwa mtu alikusudia kuua huwa ni jambo gumu” — akitoa maelezo ya sababu ya makubaliano ya kukiri kosa na hukumu ya chini.
Makubaliano ya kukiri kosa ya Cruz mwezi Aprili yalikuja chini ya miezi mitatu baada ya waendesha mashtaka kumshtaki kwa kosa la mauaji ya kiwango cha pili, ambalo lina adhabu ya juu zaidi ya kifungo cha miaka 25 hadi maisha gerezani.
