Msanii wa muziki wa rap kutoka Louisiana, #NBAYoungBoy, ambaye alihukumiwa kifungo cha chini ya miaka miwili gerezani kwa makosa yanayohusiana na silaha, amesamehewa na Rais wa Marekani #DonaldTrump siku ya jana Jumatano.

Rapa huyo ni miongoni mwa watu mashuhuri kadhaa waliyosamehewa na #Trump wiki hii, wakiwemo mbunge wa zamani wa New York, kiongozi wa chama cha wafanyakazi, na wanandoa waliowahi kushiriki kipindi cha runinga cha uhalisia.

“Ningependa kumshukuru Rais Trump kwa kunisamehe na kunipa nafasi ya kuendelea kujijenga — kama mwanaume, kama baba, na kama msanii,” alisema NBA YoungBoy, ambaye jina lake halisi ni Kentrell Gaulden, katika taarifa aliyoiweka mtandaoni.

Msamaha wa Gaulden ulithibitishwa Jumatano jioni na maafisa wawili wa Ikulu ya White House waliokubali kuzungumza kwa masharti ya kutotajwa majina yao ili kueleza hatua ambazo bado hazikuwa zimetangazwa rasmi kwa umma.

Mnamo mwaka wa 2024, Gaulden alihukumiwa na jaji wa shirikisho huko Utah baada ya kukiri kuwa alikuwa na silaha licha ya kuwa tayari ni mhalifu aliyekwishahukumiwa. Alifikia makubaliano ambayo yalimaliza mashtaka ya jimbo la Utah dhidi yake na kusuluhisha seti mbili za mashtaka ya shirikisho — moja ilibeba kifungo cha miezi 23 na nyingine ilihusisha kipindi cha majaribio cha miaka mitano pamoja na faini ya dola 200,000.

Gaulden aliachiliwa kutoka gereza la shirikisho mwezi Machi na kuwekwa chini ya kifungo cha nyumbani baada ya kupewa punguzo kwa muda aliokuwa tayari ametumikia, kwa mujibu wa wakili wake Drew Findling. Kwa kuwa kifungo cha nyumbani kilikamilika mwezi uliopita, msamaha huu unamaanisha kwamba hatalazimika tena kufuata masharti ya kipindi cha majaribio, ikiwemo vipimo vya dawa za kulevya, alisema wakili wake.