Serikali ya Somalia imetangaza kufuta makubaliano yote na Umoja wa Falme za Kiarabu (UAE) kufuatia mvutano unaohusishwa na suala la utambuzi wa Israeli kwa Somaliland. Katika taarifa yake ya jana, Somalia ilidai kuwa UAE ilitumia ardhi yake kumsaidia mwanaharakati wa Yemen anayepigania uhuru kutoroka nchini kwake.
Somaliland, ambayo ina eneo la kimkakati katika Ghuba ya Aden na ina taasisi zake ikiwemo sarafu, pasipoti na jeshi, inaonekana kuwa muhimu kijeshi na kijiografia iwe ni kwa mashambulizi dhidi ya waasi wa Houthi nchini Yemen au kwa kusambaza misaada na vifaa kwa washirika barani Afrika.
