Kijana aliyetambuliwa kwa jina la Edward ameripotiwa kufariki dunia katika eneo la Muyibwili, Karume, jijini Arusha, kufuatia tukio linalodaiwa kuhusisha mashindano ya kunywa pombe kali aina ya gongo.
Kwa mujibu wa mashuhuda, Edward alishiriki mashindano hayo baada ya kutangazwa kuwa mshindi angezawadiwa shilingi 20,000.
Tukio hilo limeibua maswali miongoni mwa wananchi kuhusu mazingira ya mashindano hayo na hatari zinazoweza kujitokeza kutokana na unywaji wa pombe kali kwa wingi ndani ya muda mfupi.
Baadhi ya wananchi waliokuwepo eneo la tukio wameeleza walichokishuhudia, huku wakitoa wito wa mashindano ya aina hiyo kuangaliwa kwa umakini ili kulinda afya na usalama wa washiriki.
Tukio hilo pia limeibua mjadala kuhusu umuhimu wa kutanguliza usalama wa maisha katika shughuli zinazohusisha ushindani wa kupata zawadi za fedha, hasa pale zinapohusisha unywaji wa pombe kali.
