Kamanda wa Polisi wa Kanda Maalum ya Dar es Salaam, SACP Muliro Jumanne, ametoa ufafanuzi kuhusu tukio la awali lililotokea Kibamba, ambapo mwananchi mmoja aitwaye Tarimo alitekwa na watu waliodai kuwa ni askari polisi.
SACP Muliro Akiwa kwenye kipindi cha #Clouds360 cha #cloudsTv amesema.
“Unakumbuka eneo la Kibamba kulikuwa na shauri la Tarimo alitekwa na watu walijifanya ni askari polisi, na ukiwaangalia walionekana kabisa kama polisi. Na wanasema wanampeleka Gogoni au Osterbay Polisi, na watu walibaki na imani kuwa kweli ni polisi waliomchukua.”
Hata hivyo, Kamanda Muliro ameongeza kuwa baada ya uchunguzi wa kina kufanyika, ukweli ulibainika.
“Baadaye tulifanya kazi ya ziada, na wale jamaa walikamatwa. Walikuwa ni wahalifu tu, siyo askari halali.”
