Mwanaume aliyepatikana na hatia ya kuvamia nyumba ya Eminem huko Clinton Township atatumia miaka kadhaa gerezani baada ya kuhukumiwa katika Kaunti ya Macomb.
#MatthewDavidHughes, mwenye umri wa miaka 32, alihukumiwa kifungo cha miaka 15 hadi 30 kwa kosa la uvamizi wa kwanza wa nyumbani (first-degree home invasion) na kifungo cha miaka 3 hadi miaka 7 na miezi 6 kwa kosa la unyanyasaji uliokithiri (aggravated stalking). Hakupata msamaha wa siku alizokaa rumande katika jela ya kaunti, kulingana na rekodi za mahakama.
Hughes pia ameamriwa kutokuwa na mawasiliano yoyote na Eminem, ambaye ametajwa kwa jina lake halali, Marshall Mathers III, wala kukaribia ndani ya umbali wa futi 500 kutoka nyumbani, shuleni au kazini kwake. Jaji wa Mzunguko Diane Druzinski ndiye aliyetoa hukumu hiyo.
Hughes alipatikana na hatia na jopo la majaji Mei 7 baada ya kesi iliyochukua takribani siku moja na nusu. Eminem alitoa ushahidi mwanzoni mwa siku ya pili ya kesi hiyo. Majaji walitoa uamuzi wa hatia ndani ya saa moja, kulingana na rekodi za mahakama.
