Liam Payne, aliyekuwa mwanachama wa kundi maarufu la One Direction, amefariki dunia akiwa na umri wa miaka 31, huku ripoti zikihusisha kifo chake na matumizi ya madawa ya kulevya hatari yaliyopelekea tabia isiyoeleweka na hatimaye kuanguka kutoka ghorofa ya tatu ya hoteli yake mjini Buenos Aires, Argentina.
Polisi wa Buenos Aires wamethibitisha kuwa Payne alikuwa amevuta dawa iitwayo "Cristal," inayojulikana kwa kusababisha hali za juu na chini za kisaikolojia, ambapo watumiaji wanaweza kuwa na tabia za ukali na kukosa utulivu. Aidha, baadhi ya mashuhuda wa tukio hilo walidai kuwa walimuona Payne akifanya vitendo vya kushangaza kabla ya kifo chake, ikiwemo kuvunja kompyuta yake na kuonyesha dalili za kuchanganyikiwa.
Familia, marafiki na wanamuziki wenzake wamemkumbuka Payne kama msanii mwenye vipaji na rafiki wa karibu aliyekuwa mstari wa mbele kuwasaidia wengine.
