Mwanamke mmoja ambaye hakutajwa jina (Jane Doe) amemfungulia msanii na mfanyabiashara maarufu, #Diddy, kesi ya madai ya ubakaji. Kulingana na hati ya mahakama, tukio hilo linadaiwa kutokea Julai 2001 katika nyumba ya Diddy iliyoko Manhattan, New York.
Mwanamke huyo anadai kuwa walikutana Mei 2001 na walionana mara kadhaa katika studio ya kurekodia, vilabu vya usiku, na migahawa bila matatizo yoyote. Hata hivyo, anasema mambo yalibadilika walipokutana kwa mara ya nne.
Katika maelezo yake, anadai kuwa baada ya kutoka klabuni, #Diddy alimpeleka nyumbani kwake na kumpeleka chumbani kwake, ambako alijifungia mlango na kuanza kumdhulumu kimwili na kingono licha ya maombi yake ya kuacha.
Kwa mujibu wa kesi hiyo, mwanamke huyo anadai kupata madhara ya kimwili, kiakili, na kisaikolojia kutokana na tukio hilo na sasa anadai fidia kwa madhara hayo.
Mpaka sasa, timu ya mawakili wa #Diddy haijatoa tamko rasmi kuhusiana na madai haya.
